O Sunaj Ibraimović si taro Skopje. Ov panda sar čhavoro počmingja muzikaja an i violoina. Oleskoro avgo profesori sine o Huna Bahtijar Baro, so si le agorkerdi muzikakiri škola an o Moskovsko muzikakoro konzervatoriumo thaj rpfesionalno muzičari an i Makedonikan filharmonia. Trujal i violina o Sunaj perfektno bašavela panda 6 aver instrumentia rperezentiribaja i Makedonia thaj e Romen sakote an i lumia. Ko momenti dživdinel thaj kerel buti an o Dizeldorf,Germania jite si le muzikakoro studio.
O avgo aktia an i internacionalno kariera kerela len ko 2013 berš kana e srpsko giljavutneske Adil Maksutović kerel o šerutno frošili e giljake ” Maskenbal” Olengiri buti si em ko avdisutno divesa kote si barabutne an i sasti Europa, An o 2014 berš kerel kontakto thaj buti e Slagjaja taro Alegro bend e giljake ” Grešne duše” palo odova e Cecaja thaj olakoro majnevo albumi ko duj gilja.
” Khuven Romalen” thaj ” Andželi taro dujto nivelo” . O Sunaj kerela buti thaj e Lepa Brenaja e giljake “Žali bože” thaj aver šendžarutne balkansko čerenja.
Jekhutni na kerdi mangin e Sunaeske sine o phanlo lafi te kerel jazz varianta e giljake “Zajdi, zajdi” e Esma Redžepovaja. O proekti sine phanlo e thagarutnaja e romene muzikake akale masekoske , numa ačhilo bizi realizacia e suneske akale terne muzičareske.
P Sunaj džal majodorig te kerel piri muzikakiri kariera thaj avutno baro proekti si e Goran Bregovićea thaj o nevo albumi. Numa odoleske kana ka kerel pe i realizacia.
