O korkoro anavkerdo Romano “thagar” tari Romania Dorin Čoaba palem počminela ple nebulozencar thaj dilinipaja kote teleperavel e Romen an i Romania mangipaja te khedel o !simpatie” taro nevoalusardo Presidento an i Amerika o Donald Tramp. Ake so ov vakerela e mediumenge an i Romania.
O Dorin Čoaba anavkerdo sar “thagar” dživdinel an i Romania, Sibiu, hramosargja e presidenteske an i Amerika o Donald Tramp kaj o Roma šaj dena suporto te keren o proektirime duvart an i simantra USA thaj Meksiko soske si lačhe”phirne”.
Premal o Čoaba akava si soske si but eftino manuša so kerena buti thaj si bizi buti thaj bilačhi finansiko situacia.
Ko plo liloro dži ko Presidento tari USA o Čiaba vakerela kaj o Roma so si šukar an i buti metalea thaj šaj te dizajnirinena o planirimo duvar.
“Kana dengja i sovli sar Presidento an o Unime Amerikakere Thema , i Romani nacia mangel sukcesi an i nevialusardi funkcia thaj Devlesa te ane decizie so ka anen prosperiteto na i lumia.
Ko jekh mangava te dav tumen pativ kote mire Roma shaj keren tuke suporto ko tamikeriba o duvar mashkar USA thaj Meksiko. Akava vakerava sopske siem but eftino bukjarne manusha bizi buti thaj olengiri ekonomsko situacia si but bilachi.
Te vakerav kaj ola si “phirne” metalea thaj shaj implementirinen i sasti buti odole duvareske tergjol an o bichavdo liloro so sikavdo an i romansko zurnalistikani agencia Agerpress.
E amerikakoro ambasadori an i Romania , Hans Klem an o presi e zurnalistenge an o Galati vakergja kaj del suporto e proekteske “Tamikeriba duvar mashkar USA thaj Meksiko” taro USA Presidento, a akaja vakerin taro Dorino si “nevo momenti so ni djanela, thaj ni kamel te del komentaro olake” vakergja o Klem.
O Presidento tari USA o Donald Trump parafiringja akaja decizia an o 25 januari te kerel pe o duvar mashkar USA thaj Meksiko so si lungo 3.200 km. O bukja udjarel pe te startujnel an o avutne 6 masekoa.
Link: http://www.business-review.eu/news/roma-king-cioaba-to-trump-we-can-build-us-mexico-wall-129413
