I naformalno asociacia dizutnenge – membria an o romane organizacie an i komuna Bitola thaj o Asociacie taro organizacie so keren buti po Romane hakoa , sikaven piro seriozno bibaht bašo kerde kukasto križia -svastika thaj o hramosarde grafitia ” Meren Romalen, “Mudaren e Romen” ko duvaria e FŠ “Gjorji Sugarev” an i Bitola
O grafitia sine notirime an o 19.01.2017 berš thaj odola bičhaven mesažo teroreske mujal i romani jekhin thaj si natolerancia so si krisekoro akti aso Kriseksoro kanoni an i R.Makedonia.
Asavke hramosarde grafitia an oduvaria ki fundavno škola si riziko sopske an i akaja škoal majabro numero sikle si tari romani etnikani jekhin (paše 80%).
kote taro palokurko – 23.01.2017 berš startujngja e edukaciakoro berš, thaj o čhave dikhen akala grafitia.
O sa involvirime roga thaj asociacie e dizutnenge ka den kriseskoro akti. Ko jekh akaharen pe tehmakere kriseskere institucie thaj i policia te keren piri buti, sosoke nane mukhlo te keren pe asavke kampanje so šaj rezultirinela bare bibahtaja.
Okova so kergja akava kergja emocionalno thaj psihičko dukh e romane jekhinake so si zijani an o kvaliteto e dživdipaske sar jekhin an i Republika Makedonia.
Amaro interes si te kera sadživdipa maškar respektiriba bizi diferenca e etničko thaj religiakoro preperutnipa thaj si kontra kodeksi tari sako persona, thaj trubul te legarel o džovaplipa aso kanonikane normativia.
Link: http://www.mhc.org.mk/announcements/521#.WIcfkvkrK1s
