An i Srbia akava berš tari HIV Sida ,ile efta džene a notirime si neve 124 infivicirime HIV. Majbaro numero (83%) si inficirime prekal seksualno kontakto bizo prezervativi. Jekh olendar beršencar dživdinel akale virusea si o Đurica Stankov.
Ov piro čahvoripa bnakhavgja ole an i Romani mahala trujal o Vršac. Sebepi čorolipa ov našlja an i porno industria., numa trujal love odova angja leske thaj HIV virusi.
Avdive si an čekat e AS centaroske , Asociacia so kerel but an o deiba suporto e ternenge so dživdinena e HIV virusea thaj bičhavel mesažo kaj o avera trubul te sikljon prekal oleskere kerde feleria.
Đurica Stankov si le 40 berš an o thaj an o odova periodo sar so vakerela sar te ovel le deš aver dživdipa.
-Me sar čhavo sium sine but diskriminirime. Ki škola maren man sine o Srblie , soske dživdinav sine e Romencar, a mo očuvo sine Rom., akana aljum an i romani mahala tegani maren man sine o Roma soske sium sine parno thaj sar parno bakhro maškar olende.
Ko mle 16 berša dengja pe mange šajdipa te dživdinav hari majlačheste thaneste ko than kaj so sium sine angleder sar so si kher taro pleho, kartonia. Mi daj sine dijabetičari thaj perel sine an i koma. šatr droma kergje la muli angleder čače te merel. – agjaar notirinela plo dživdipa o Đurica so nakhavela le sine an i Romani mahala Vatina trujal o Vršac, kote an o 2000 berš gelo te dživdinel an o Beograd.
Numa angleder 13 berša oleskoro dživdipa irangja pe kana sine leske dijagnozirimo o virus thaj reslja nevi forma dživdipa.
– Нnikana na dengjum man godi kaj ka arakhav mana asavke problemoa, nikana an o mlo dživdipa na sine o momenti anavkerdo sar HIV. Nadžanav sine odova so avdive džanava akale viruseske, džanav sine kaj isi le thaj kaj šaj astarel pe prekal seksualno kontakto. Fakte akote nekobor berša angleder sar profesia sine le te sniminel sar akteri porno filmia, majbaro kotor taro akala filmia kana kerel len sine sine bizi desaci protektiva. Numa o hošipa kaj si sigurno , sako drom akana sniminav sine nevo filmi džava sine an i kontrola thaj testia. Savore sine saste thaj jekhutne na iranv sine but bari sama odoleske soske džanav kaj sine suiguritetno – agjaar ilustririnela o divesa so sine but avrčhane taro akanutno divdipaskoro filmi thaj saste aver scenario taro odova so nekana dživdinela le sine.
