O agorutne divesa sar top tema maškar o romane kuolaria an i Srbia thaj an o regiono si informacia konektirimi e aktuelno Presidentoa taro romano Nacionalno Konsilo an i Srbia o Vitomir Muhajlović .
Aso nesave srpsko mediumia o rajo Muhajlović si šubikerdo kaj an o 2009 berš kergja hohavne esapina thaj kergja zijani e themake bašo paše 600.000 dinaria (5000 eura). Ov si šubukerdo kaj dengja esapina vash dende artiklia e Romenge a ov na kingja odola artikloa. Numa o Mihajlović vakerel kaj ov nane khanig došalo thaj odoleske bangipa kergja o registratori e lilenge an o Nacionalno Konsilo thaj oleskere politikane oponentia.
„Šubikerdo sium soske sium presidento thaj legarutno an o Nacionalno Konsilo, a o feleri si kerdo tari rig e Lulengoro registratori an o Konsilo. Numa o feleri si ko than koregirime thaj odova džanel thaj o ministeriumi. Akana akava plasirinena mire politkakere oponentia. odova sikavel kaj o love si dende ko čačutni forma thaj odola artiklia si lende thaj hulavde e Romenge so si thanjarde telal i phurt “Gazela” vakerela o Mihajlović.
