Aso o havljarina i Diz Skopje, nane tradicionalno te notirinel organizacia e Neve beršeske. O planirime thaj hulavde love so si an o učipe paše taro 100.000 eura ka oven dende an o humanitarno karakteri. Akaja decizia sar ka den odola love, ka anen o konsiliaria an i diz Skopje. Numa dela pe jekh pučiba.
Soske ma te kerel pe fešta? Soske ma te kerel pe i organizacia?
Odova lokhe šaj kerel e. I fešta neka ovel, numa so o protagonistia, giljavutne odoja rat neka giljaven po 2-3 gilja an o plejbek, numa ma te len honorari.
O ceremonijal majstoria “šoumenia” bašo odola 6-7 najave so ka vakeren, ma te len o honorari.
Okola so den renta o stejdži . boksia, roš, tehika thaj aver neka len minimalno režisko harči thaj eventualno defekti jali kerdo zijani an i aparatura.
Numa odova si nesar phare? Kamen savore te oven humano numa an o lafi, a na an i praktika?
Salde agjaar šaj sikavaja amaro humanitarno akti. Numa odova si but akanaske pharo akti. Mangaja jali na te vakera o čačipa!
