I Švajcaria investirinela an i integracia e Romenge taro Plovdiv tari mahala ” Stolipinovo”. O tamikeriba taro sastipaskere ordinacie thaj edukaciakere centria si o targeti taro finansisirba akale proektenge.
Barabutne 4 milionia eura ka oven dende an o diferentno regionia an i them. Save objektenge ka den pe love an i romani mahala Stolipinovo kontrola kergja personalno i direktorka an o Švajcariakoro Parlamento Krista Markvalder.
O diplomatia sine udžarde an o Stolipinovo pherdo gunoj an o kontejneria. Kana kergje jekh vizita ki jekh čhavorikani garden sine udžarde čučekoja a an i šerutni rolja sine o čhave tari odoja mahala.
I Presidento taro Nacionalno Konsilo an i Švajcaria keren sine lafi e sikavnencar tari odoja škola thaj gartenia ko odova reoni. O Švajcarcia dena jekvaš milioni eura te šaj e Romen si len majlokheste avipa dži ki sastipaskiri protektiva thaj edukacia.
Akale lovencar ka lačharel pe o kvaliteti e edukaciake thaj deiba motivo e jerienge te bičhaven prie čhaven an i škola.
“I Švajcaria hulavgja e Bugariake 4 milionia eura so ka oven iskalkulirime baši integracia e romane populaciake thaj lačhariba olengere dživdipaske thaj te aven jekh a jekh e standardea taro bugariakere dizutne premal e europakoro standardo” vakergja anglal Dnes.bg i Krista Markvalder – Presidento an o Nacionalno Konsilo an i Švajcaria.
Ka den pe love kote ka educirinen e Romen an o familiarno planiriba thaj tamikeriba nevo sastipaskro centari.
Akaja investicia thaj love ka džan majodrig sa dži ko anglonilaj ko 2019 berš.
Dopherdo upreder 200 romane čhave ka vizitkeren kulturakere performansia ko thavdipa taro duj berša. Akava ka kerel pe e lovencar taro proekto ” Bajrovaja jekhethane”. I resarin si kote akava etnosi te klerel intergacia anglutne beršenge a o proekti si paše 250.000 eura.
“I idea si o čhave taro hemime gartenia barabutne te oven sikavde an o teatria, sinema thaj muzeia, te šaj oven insajderia” vakerel e dizjakoro šerutno taro akava regiono o Nikolaj Čunčukov,
Aso o kanoni akala proektia tari reonsko administracia ka trubul te nakhen prekal o votioba an o Komunakere Konsilia.
Link: http://www.dnes.bg/stranata/2016/07/05/shveicariia-dava-8-miliona-za-bylgarskite-romi.308022
