O adetia taro majdurutne vaktia odolea thaj o Roma so pheren jekh taro majimportantno rolje si arakhel i nacionalno identiti. O Roma si barvale tradicijaja so taro diferentno historikane karane arakhel pe sine an i bari presia te šaj ikerel la.
Butder romane adetia ko akava lungo vakteskoro periodi sine našavde jali bisterde.
Avdive ko akala vaktia andre an o romano entiteti ka ovel panda majbaro pativalipa buteder taro adetia te keren pe revitalizacia an o konteksti e moderno dživdipaske.
Isi diferentno interpretacie e adetemge numa majbut ola definirinen pe sar desavi religiakri praktika so si la specifikani definicia thaj sar pativ jali rituali keren pe ko desave momentia.
Sar avdive pobuter nane ko Roma o egzamplo e bijavencar so keren len salde duj divesa.
O bare dive so kerena sine ko nakhle šelberšipa sar tradicionalno thaj avdive keren pe i Vasilica thaj o Herdelezia. Akala duj baredivesa keren pe buvleste thaj si jekh taro egzamplia sar sinhronizacia maškar o Roma.
