Ko jekh taro anglutne dende intervjuia akana i muli romani muzikakiri thagarutni i Esma Redžepova, evociringja lipar pire džanlipaja taro Tito, Indira Gandi, Gadafi thaj aver lumiakere lideria.
” I Indira Gandi ko vakti tari jekh vizita an i India dengje man i piedestalo sar thagarutni e romane giljake thaj muzikake”.
Numa ko jekh vakti tari jekh barabutni vizita an i Libia o Tito thaj i Esma sine barabutne. Ake so vakergja o Tito e Esmake ko vakti tari odoja olengiri visita:” Tiknie tu na kereja frizura? MI Jovanka kerela. Me vakergjum leske kaj sium panda tikni thaj na trubul. Ov vakergja mange kaj šaj sine te kerav jekh frizura, thaj ajde akana me thaj tu te kera jekh buti. Me pučljum man so akana ka kera me thaj ov. Odothe sine jekh šatoro, sine jekh promocua, sine baro busia ov vakergja, Ajde me thaj tu te bikina akana. Avdive salde me thaj tu lelem but love vakergja mange palo odova. A odova sine ko odova peridoi o Tito kerel sine lafi i Libia te kinel šastra tari teganutni Jugoslavia. O Tito but mangel sine e Esma , thaj ko jekh ola mangen sine o sasto regioni.
