Avdive angleder 25 berša sate an o 1991 berš , startujngja jekh nevi era an o romano informativno lumia. Tegani startujngja te kerel buti o Jekhto Romano radio sar BTR – Nacional. Salde trin berša palo odova n o 1994 berš startungja o jekhto romano TV biathinalo mediumi TV BTR-Nacional. Tegani startujngja thaj i kompletno TV programa kote astargja sa o segmentia tari politika, kultura, tradicia thaj aver sa so si konektirime e Romencar sar tari Makedonia angja thaj tari lumia.
An o 2001 berš startujngja o mediumi Roma Times sar gazeta, telal o patronati taro Romnani Informativno Agencia -RIA thaj olatar iklilep tins magazino”Vilo”, o magazini e romane džuvljake “Romana”. thaj o magazini e tikne čhavenge “Čirikli”. O pieteti reslja an o 2004 berš startea taro jekhto romano TV satelitsko programaja BTR-SAT.
Ko sa akala nakhle 25 berša telal o objektivi taro BTR thaj SP Produkcia sine organizirime but festivalia, sar čhavenge, ternenge thaj aver, dokumentarno programe thaj serie, edukatuvno rpograme thaj proektia thaj serialia, Filmsko festivalo “somnakaeskiri Rota”, ” Alusar MIS Internacionalno Romani čhaj”, thaj but aver saatia romani autorizirimi TV programa. Trubul but vakti thaj than te anavkeren pe sa o aktia so kergja o BTR thaj i SP rodukcia. O Roma Times si kotor taro SP BTR Produkcia. O Roma Times so si kotor tari SP BTR šaj barikane te notirinerl kaj na ačhola akate numa džala majodorig ko neve sukcesua. But e beršenge neka ovel o jubileo 25 berša thaj džala majodorig majzorale!
