Ko dži akanutne informacie an o thavdipa e alusaribaske thaj o numero taro resle mandatia an i konekcia e Anglovakteskere Parlamentarno Alusariba 2016 an i Makedonia ko akana panda na dende oficialno informacie tari rig e Themakere Alusaribaskiri Komisia – TAK, a aso kerdi rodarin thaj preliminarno rezultatia o mandati so si sar taro VMRO-DPMNE thaj i koalicia thaj o SDS; thaj i koalicia o huilavipa e mandatenge sai sate egal taro jekh jali duj deputatia.
Numa interesno si so ko sa Alusaribaskiri jekhin an i Makedonia an i AJ2 sine thaj duj Roma kandidatia taro diferentno politikane opcie. Ki odoja lista o lideri taro SRM o Amdi Bajram sine an i koalicia VMRO-DPMNE thaj sine an i pozicia 5. An i odoja jekhin naoficialno i koalicia taro VMRO-DPMNE resle 37,4% taro vote jali 9 deputatia, analogno thaj odothe khuvel em o Amdi Bajram so si an i pandžto pozicia.
Ko jekh o memebro taro SDSM o Kurto Duduš sine an i 7-to pozicia, a ki AJ 2 o SDSM reslja 35,4% thaj 8 mandatia, thaj odolea o Duduš naoficialno reslja mandati.
O Samka Ibraimovski taro PCER an i koalicia e SDSM-ea sine an i 10-to pozicia an i lista ki AJ5 o SDSM reslja 39% jali 9 mandatia , thaj odoleske na reslja te te ovel deputati.
