O membria taro romano minjoriteti an i Srbia rodel te oven thanjarde so pobut ko sektori themakere arakhibaske , na salde ko Ministeriumi bašo andrune bukja, numa thaj ko Ministeriumi arakhibaske, ko Sekjuriti agencie thaj an i Carina.
Akale inkluziake kergja pe lafi an o khedipa so organiziringja i Asociacia tari europsko policia romane minjoritetenge , a o Nenad Tairovič prezidento tari Asociacia thaj persona so ikerel o romane interesia an o MB Srbia, vakerel kaj nane barikade te šaj o Roma khuven ki buti ko sekjuriti.
“Ka kera buti thaj plani so pobuter Roma khuven ki buti ko akala sektoria, ko avutno periodi, sebepi so isi amen informacie kaj o Roma si akana majbut educirime numa so sine angleder 10 berša, a odova fakti sikavel pe ko statistike.Dikhel pe kaj isi progersi an o edukaciakoro procesi ko Roma, odoleske ko periodi so avel pobut Roma thaj Romanja ka šaj te khuven ki buti ko akala sektoria.
O interes ki romani jekhin akale profesienge si but barothaj o Govermenti e Srbiakoro ka keren konkursia upral i funda tari policiakiri praktika. Ki Srbia akana isi prakticirime 280 kandidatia, thaj o interes si panda baro. Olende majodorig ka ovel šansa te džan an i praktika thaj ko sig vakti te khuven ko profesie sar so si policajcia an i Srbia.
