Sebepi bilačhi integracia thaj trujal o džajbe e čhaven an i škola, thaj o džajbe an i buti duj romane kosovakere famile ka oven deportirime tari Germania napalal an o Kosovo palo 17 berš dživdipa an i Germania. Akaja decizia angja o adalati tari diz Getingen.
Trujal so ola dživdinen sine an i Germania 17 berša pobaro kotor taro čhave biandile akate thaj džana sine ki škola ola ka oven deportirime an o Kosovo. I decizia si andi sebepi so akala duj familie na arakhle moduli baši integracia an o germansko sasoitnipa premal o kanoni A3.1B 318 thaj 319-15.
I decizia si soske o jeria na kergje oficialno buti, thaj o 13 olengere čhave na gele an i oficialno škola sebepi but na gele vaktia an i škola. O jeria trujal 17 berš dživdipa an i Germania na siklile i germansko čhib.
O familie ale an i Germania ko agor taro 1990 berša. Olengoro rodipa bašo azili nekobor droma sine irame. Akana i diz Getingen dikhela o argumento kaj ko Kosovo nane barikade e familien te palden thaj iranen an o Kosovo.
