O pendžardo ” Krali e Romenge an i Europa” o Legija Paterson lela palem akcia. Akava drom sar so havela pe sebepi so but aver Roma iskoristinen oleskoro autoriteto so si le maškar o Roma an i Europa nesave olekere popurane paše manuša počmingje te keren bilačhe aktia palo oleskoro dumo te šaj profitirinen personalno samo olenge thaj olengere intereseske!
Odoleke o “Romano Kralo” kerel buti te čhivel agor sa akale manipulacienge thaj te anel disciplina ani pli organizacia. Odoleske akana formirinela nevo timi so ka oven porespektirime maškar o Roma a ko jekh ka keren buti e Romenge em te arakhen olengoro interesi ko sako momenti.
O Legija akana si an i turneja an i Europa thaj kerel selekcia neve manušenge. Ki akaja Europsko turneja ka formirinel em o nevo kvalitetno timi so ka keren buti olea.
Ko jekh sar so havela pe taro akava momenti o Paterson Legija thaj “Patreson Familija” ka ačhoven majzorale te arakhen em braninen e romane orketsrenge thaj muzičarenge so džana ko koncertia thaj aver bukja an i Europa te bašaven soske but javer džene keren lenge reket em lena lendar o love.
O Legija ple neve timea ka oven ko sa odola koncertia em javer em ka braninen o interes e muzičarengoro ma te oven čorde jali maltretirime taro lokalno mafijaško grupe em klania, thaj taro organizatoria.
Odoleske udžarela pe sa o orketria thaj romane muzičaria so isi len tezge an i Europa ko sig momenti te ovel len mitingo – khedipa e Legija Patersonea thaj oleskoro timi te dogovorinen pe maškar peste bašo sa o formalitetia. Aso oleste jekhutne respektea maškar sa o Roma ka šaj o Roma sar nacija te oven panda pozorale ” vakerela o Legija Paterson.
