I NGO Romano nevikeriba, konekcia thaj alternativa “ROSA” an o prevazia e proekteske “Šrevencia resarinaja te čhinaven pe o tikneberšengere prandina ko Roma taro Jablaničko regioni” organiziringja i jekhto edukativno praktika so ikergja pe an i FŠ ” Svetozar Markovič” an o Leskovac. Oj sine kerdi bašo 20 romane sikle taro majuče klasia , thaj o jeria kaskere čhave educirinen pe an i akaja škola.
I resarin e edukativno praktikake aso i Laura Saitović tari ROSA sui te sikavel pe taro sastipaskoro, ekonomikano thaj socialno problemi kana khuvel pe but tikne beršencar an i prandin thaj del pe šajdipa e te keren pire niamia tari edukacia thaj buti.
O dikrektori e školake , Jovica Marjanovič vakergja o importantno momenti asvake forma tari edukacia.
” Ko nakhle deš berša, kobor so me sium an i akaja škola, sine aktia kana o čhave anglovakti džana peske tari škola thaj na sine len šajdipa te džanm an o mapkarutne škole. Ano momenti an i amari škola sikljona 138 romane čhave so buteder olendar si len but lačho sukcesi an o sikljojbe”
O proekti si realizirime ko štar komune taro Jablaničko regioni , Leskovac, Lebane, Bojnik, thaj Vlasotince an i konekcia e centrencar socialno bukjake , a finansiko suportime taro EU, e Švajcariakoro Govermenti thaj o Govermenti tari R.Srbie, prekal programa taro europakoro PROGRES
Link: http://jugpress.com/rosa-realizuje-projekat-o-sprecavanju-preranih-brakova/
