An o disave dizja si salde po jekh personalno ginekologo, a ko desave nane ni jekh, a an o Skopje nane an o Šuto orizari, an i poliklinikaan o Dračevo thaj an o “Bukurešt” thaj an i “Idadija” an o centari e dizjake.
Upreder 200.000 džuvlja so si an o reproduktivno periodi si bizo personalno ginekologo. Aso o personalno ginekologia an o akava momenti an i them upreder 500.000 džuvlja isi len personalno ginekologo, a aso i percepcia taro sasljharibaskoro legaripa trubul te oven 700.000.
Persi kurko e Themakoro ofisi baši statistika havljargja informacia kote an o trinto tinmasekongoro periodi an o berš bašo 2016 berš mule 90 bijande bebia jali bebia so si bare majbut dži ko 1 berš.
Aso olende thaj o dendo Konkurso taro Ministeriumi bašo sasljariba te del pe 48 specijalizacie tari ginekologia nane te faisalkeren akava problemi soske o hazri doktoria so ka šaj te keren buti ka oven bašo pandž berša.
Te šaj amortizirinel pe o problemi o Fondi sastipaskere siguriteteske angleder šatr berša barjarargja o numero taro pacientia taro 2.500 ko 3.500, kote personalno ginekologia resena 100% kapitacia so legarela 50 denaria ko sako pacienti (0.80 eura) Numa aso o ginekologia odova da nane faisali . soske buteder olendar si len po 5000 pacientia thaj nane len kapaciteto te len neve pacientia.
Link: http://sdk.mk/index.php/makedonija/bebinata-umiraat-oti-200-000-zheni-se-bez-matichen-ginekolog/
