O brtiansko televizia “Kanal 4” bičhavgja piri ekipa an o Veles, Makedonia te arakhel e ternen velešancon so ko ple interent – portalia plasirinen sine hohavne informacie so sine lačhibaske taro Donald Tramp.
E lumiakere mediumia vakergje kote akala portalia hohavne informaciencar but angje te kaljarel pe i Hilari Klinton thaj te iranel pe i gnd taro amerikakoro elektorati.
O žirnalisti e britansko televiziake reslja ko Veles thaj startujngja te rodel e terne velešancon. Oleskere bahtake ov reslha ter avel dži nekobor olendar. Numa buteder taro tinejdžeria na manglje phravde te keren lafi anglal o kamere olengere internet portalenge thaj kobor love lele. Odova so havgja o žurnalisti si kaj astargje 200.000 amerikansko dolaria an an o netvorko sine konektirime pobuter taro 200 tinejdžeria.
O žurnalisti reslja te avel dži ko jekh taro šerutne kreatoria e netvorkoske , numa o terno velešanco na mangel sine te kerel lafi , negirinel sine sa an i kreacia e portaloneg hohavne informaciencar thaj gelo peske sig pe vordaja.
Ko pučiba soske kergje odova , o tinejdžeria vakergje kaj odova kergje te aven dži ko love thaj taro zabava.
– Love thaj khelin odova si o faktori. Ako i informacia si hohavni , ka kosav ola, numa palem ka kerva mange o portali – vakergja jekh taro terne velešania e britansko žurnalisteske.
O sasti tv artiklo taro britansko “Kanal 4” šaj dikhen le ko akava linko.
Link: https://www.channel4.com/news/fake-news-in-macedonia-who-is-writing-the-stories
