Ko avutne 8 masekoa paše 260 bibukjakere persone ka agorkeren i praktika taro javno thaj privatno sektori a majhari 150 olendar ka resen nevo bukjarno than. I praktika si profesionalno sikljoviba an o 10 komune si proekti an i organizacia e Europakere Progresoke thaj realizirinel pe ko Prijepolje. Aleksinac, Babušnica, Bela Palanka, Doljevac, Ivanjica, Prokuplje , Sjenica, trgovište thaj Vranje sp satrel e majternen taro 30 berša, persone tikne edukaciaja, Roma, persone majphureder taro 50 berša, lungovakteskere prsone so rodena buti thaj si evidentirime sar bizi buti.
E realizaciake akale proekteske Europakoro PROGRES si suportoa tari Europakiri Unia thaj o Govermenti tari Švajcaria so arakhle 100.000 eura thaj ple lovencar than lena o komune so dena 32.000 eura.
– An i komuna Doljevac o testiriba ka ovel ko masekoa dekemvri thaj januari a pali kerdi rofesionalno paraktika udžarela pe te phravgjon 100 bukjarne thana – vakerela i Nada Jovanović taro Ofiso e lokalno ekonomsko progreseske an i komuna Doljevac.
