I rasno politika tari nacistikani Germania sine andi sar sublimato taro politike thaj kanonia so angja len thaj implementiringja olen i nacistikani germanija kote sikavel sine piro superiroiteto tari “arievsko rat” kote sine i funda tari specifikabni rasisitikani doktrina so kerne sine upral naukakoro legitimiteto. Akaja politika sine la resrin te eliminirinel nesave nacie. Akava majbut sine legardo mujal o jaudie, Roma, homoseksualcia thaj persone hendikepea.
An i olengiri tasno hiejrarhia odoja klasa manuša sine inferiorno.
Bibahtake o nacizmi na našavdilo meribaja taro Hitler thaj o nacistia. Olendar buteder idee džana em avdive. O politikane grupe so keren reanimacija akale formake akharena pe neofašistia jali neonacistia.
Asavke grupe isi thaj funkcionirinen sakote an i lumia: Rusia, UAT, Australia, Britania, Germania. Grcia, Austria, Srbia, Skandinavia thaj aver.
O idealia akale grupake si len barabutne nukte: Bajraripa o idealia taro Hitler thaj o nacistia, negacia e Holokausteske maripa mujal multikulturalizmo, nacionalizmo, natolerancia mujal desave grupe (Jaudie, Roma, muslimania, kale, homoseksualcia thaj aver).
Nesave analitičaria havljarena kaj o neonacizmo so buteder si alceptirime sar mejnstrim politika so prekal o internet nakontrolirime buvljarena piri propaganda thaj ideologia.
An i Europa ko agorutno vakti buvljarel pe o nivelo taro ekstremno – nacionalno thaj populistikane partie so barabutne si anavkerde sar Euronacionalizmi. Akala partie an o sasoitnipa si akceptirime thaj lena than ko politikano dživdipa , thaj thaj si len paše konekcie e neonacistikane grupaciencar.
