Nane buteder elekstronsko sastipaskere kartice e dizutnenge, i firma čhinavgja te kerel len. I Firma ” Indicius” so kerel sine akala kartice khedingja ple makine thaj čhivgja nakhtari an o udar. “Indicium” so firma čhaj e hrvatsko ” AKD” so lelja o tenderi te kerel e satipaskere elektronsko kartice thaj sine formiri te ospervirinel e makedonikane sastipaskere sisteme. I Firma nane butede ran i odoja purani lokacia.
taro Fondi sastipaske vakerena kaj o proekti elektronsko karticenge si phanlo thaj s o dizutne so rodingje persi berš resle o kartice. odothar vakerena kote o neve kartice sine printime e dizutnenge so nakhela olengoro roko akava berš.
„Startungje aktivitetia an i modernizacia e akanutne sistemeske taro ESK thaj majdetalno informaciencar ka oven zapendđarde savore kana ka agorkerel o akti” vakergje taro FSS. Nane lafi kana ka ovel hramosardo o tenderi so sine havljardo panda persi berš.
Nadžanela pe panda sar ka sasljaren pe o nevebijande čhave thaj o bebia so nane len o neve kartice, thaj okola so nasine len dži akana. Ka iranen pe li palem o kartonia . Soske o bukjarne ko sastipaskoro sektori so an o juli pukjinge karticenge a na lele olen nane lenge irame o love. Ko barabutno numero 46 000 bukjarne an o sektori sastipe ko juli akava berš sine lendar lendo 250 denaria tari plata bizo olengoro džanlipa soske nakhlja o roko taro olengere kartice, Trujal so nakhle šiv masekoja taro tegani majbaro kotor taro bukajrne panda na lele odola kartice.
Link: http://novatv.mk/firmata-stavi-kluch-na-vrata-nema-veke-zdravstveni-kartichki/
