Avdive an i republika Makedonia , palo 25 berša politikano pluralizmi thaj promocia an o liberalno – demokratsko moldipa, panda dživdinaja an o vakti kana i politikani kultura si but kišli – slabo. Panda majbibahtake , nane ni digniteti thaj iraniba majbari sama taro importantno momenti e politikane kulturake upral sasto dživdipa an i them.
An i Republika Makedonia isi učo nivelo taro suporto e legaripaske. Odova sikavel pe e faktea so ko nakhle deš berša jekh politikani opcia legarel i viktoria an o lokalno, oresidenteskere thaj parlamentarno alusariba. Leibaja o fakti sar fundavno problemia an i them sar so si o čorolipa, bibukjarnipa thaj bilačhi ekonomsko situacia so isi ko dizutne an i Republika Makedonia majodorig si bifaisaldi enogma saste si klar kote o dejebe suporto e akale politikane elitake si upral i funda taro populistikane metodia so sukcesiale implementirinen pe an i komunikacia e dizutnencar.
O dizutne an i Republika Makedonia , ko majbaro kotor, esapinen kaj o sasto politikano dživdipa an i them si determinirime taro zoralipa e politikane elitake thaj olengere lideria.
O dozutne sikaven učo nivelo lojalnost premal i them thaj isi baro numero kote so ola dikhen pe sar o legaripa. Baro numero taro dizutne an i Republika Makedonia o pakjiviba sikaven le prekal identiteto bašo nacionalno thaj kulturakoro identiteti. Asavki situacia o legaripa ko nakhlo dešberšengoro periodi kergja jekh nevo socialno, politikano, kulturakoro thaj učo identiteti so si an i funda e ambivalentno geneza so kerel buna ko kotor taro makedoniakne dizutne , thaj si le negativno implikacie upral socialno kohezia taro makedonikano sasoitnipa.
Fakti si kote i Makedonia si panda dur tari participivno politikani kultura. Akava avela ko fokusi ko agorutno periodo kote isi baro periba an i autonomia e mediumenge , NGO sketori thaj učeedukaciakere institucie.
Ko jekh o politikane situacie ko legaripa si len esapi an o interes tari pli partia numa na o interes e dizutnenge thaj e themake. Ko odova konteksti, but droma manipulirinen e dizutnencar te šaj resen pire interesia so si šerutni resarin te šaj ačhol pe ko legaripa.
Korkoro odolea nane zainteresirime te buvljaren participacia e politikane kulturake soske peravel o interesia e dizutnenge.
An i republika Makedonia trubul thaj radikalno trampe ko sa o sfere taro sasoitno dživdipa so ka keren pe šajdipa maljačho dživdipa e dizutnenge ki terni populacia. Akalea sar startno pozicia an i trampa an o sasoitnipa si akcenti so trubiul te ovel tramapa korkoro amendar.
