O nevo kanoni bašo izvršiba avel ko takati taro 1 januari 2017 berš, thaj a odolea pobuter izvršitelia našti te len o love taro konto okola so si borčlie a angleder bizo te informirinen len.
An o neve trampe , akana o borčlia trubul te ovel informirimo kaj si le desavo borči , palo odova resel roko – periodi taro trin divesa te iranel o borči thaj odova te na kergja tegani blokirinen oleskoro konto.
Trujal odova o borčlia ka ovel informirime kote thaj kobor si borči, odolea so nane te našavel o vakti bašo kontrole kote ule odola borčlia.
Ko avgo enja masekoa o izvršitelia an i them resle 130 milja rodaripa bašo izvršiba.
Olendar si realizirime 28%. O barabutno suma sar pukjiba taro izvršiba legarel jekh taro upreser 76 milionia eura, duj milionia eura pohari taro persi berš.
