E Tehmakiri Alusaribaskiri Komisa sine kerdo ždrebka ko raspored e partiengoro thaj o koalicie so ka len than ko anglovakteskere Parlamentarno alusariba ko 11 dekemvri.
Ko numero jekh ka oven o VMRO-DPMNE, a ko dujto than i Demokratsko Šartia e Albancongiri – DPA, sar trinto si o DUI, a ko štarto than i koalicia legardi taro SDSM.
Pandžto ki lista si i Koalcia baši trampa thaj jurisdikcia, ko šofto o PDP.
I Alijansa e Albancenengiri si eftato, a ko oftoto si i Liberalno partia – LP. O VMRO baši Makedonia ko hangibaskiri lista ka oven enjati, i BESA ko dešto than, a aogorutni 12-to si i partia tari Levica.
I angloalusaribaskiri kampnaja ka startujnel taro 21 Noemvri , palokurko thaj ka ovel 20 divesa.
