An i realizacia an o aktivitetia taro IRU, o Presidento e IRU Parlamentoske , Stevan Balog Radul, barabutne pire konsilerea o Roland Shipannym sine le mitingo e kandidatea bašo presidentoo an i Eustria thaj membro ani FPÖ, Norbert Hofer. O mitingo sine but phravdo thaj transparentno.
Ko jekh o Hofer sikavgja mobilizacia thaj aktiviteto kaj havel o problemora e Romane jekhinake so si an i Austria thaj sa okolea so si notirime sar faisali. O balog thaj o Hofer ko vakti e dikhibaske so sine phravde akcentiringja kote te reslja o mandato sar presidento an i Eustria ka kerel majbaro aktiviteto vash o hakoa e Romengere thaj Sinti an i Austria thaj majbari protektiva an i edukacia, kultura, tradicia, buti thaj majbaro themakoro aktivizmi akale jekhinake.
O Presidento an o IRI Parlamento o Stevan Balog vakergja kaj o Roma thaj o Sinti si teden piri vota e Hofereske so an i Austria gejnela paše prekal 100.000 vote taro Roma thaj Sinti.
Trubul te dđanel pe kote angleder te keren pe akala alusariba vash Presidento an o Austria akava berš o Hofer reslja 35% mujal oleskoro rivalo Alexander Van der Belen so relja 21%. An i dujto rota i diferencia sine minimalno (paše jekh a jekh 49.7% mujal 50,3%), thaj o Učo Kriso an i Austria angja decizia o alusariba palem te ovel. O presidenteskoro alusariba an i Austria ka ikerel pe ko 4 decembro 2016 berš.
