Ko nakhlo vikendi ko teatar „Theater der Keller„ an o Keln, germania premiernop sine kheldi o teatarsko performansi „Sterben in Kroatien“, taro režiseri Nada Kokotović. Oj si kerdi aso o lil tari pendžarutni hrvatsko hramosardi i Slavenka Drakulić.
I Nada Kokotović si biami an i Hrvatska, studirinel sine moderno thaj kalsično baleti, filmsko thaj teatarsko režoa thaj filozofia an o zagreb. Ko maškar taro 70-to berša realja dujberšengiri stipendia te kerel majučo nivelo an o UAT kote kerel buti e pendžarde koreografea George Balancihini.
Palo iraniba an i Jugoslavia o tetarsko arti kerel nevi autentikani forma tari koreodrama.
E beogradsko režisera Ljubiša Ristić an o 1977 berš keren o pendžardo proekto anavkerdo sar KPGT (Kazalište, Pozorište,Gledališče, Teatar)kote lena sine thaj an i sasti Jugoslavia thaj avrial olatar.
Sebepi o mariba an i Jugoslavia an o 1991 berš džala tari Jugoslavia thaj avel an i Germania. Ko 1995 berš ple sadživdipaskere partnerea Nedžo osman fundirinen o teatro TKO (Teatar Kokotović Osman).
Salde an i Germania ok sine režiseri ko 70 tetarsko performansia so majbut olendar keren sine i tema taro sasoitne problemia.
