Akana kana e alusaribaskere liste ka phanene pe (agorutno roko 11 Noemvri – pandžto di dži ki jekvaš i rakj) i majpurani Romani partia an i Makedonia – Partia baši sasti emancipacia e Romenge – PCER, panda si ko centari e samake.
Palo havljarina kaj ka ikljon tari koalicia e SDSM-ea thaj konektiriba nevi konekcia thaj koalicia e džieratutne “dušmanencar” VMRO-DPMNE , startujngja i konfuzia. Majnaglal iklilo o lideri e partiake o Samka Ibraimovski thaj notirimo bičalipa tari dendi pozicia ko liste taro SDSM, palo odova o revolti barilo thaj ko membria thaj nakoordinirime stavia.
Majanglal o membro an o Presidiumi ko PCER o Aguš Demirovski “irangja o pro” thaj prekal FB havljargja kaj mukhel i funkcia ki partia. Palo odova o Gen. Sekretari e partiakoro o Azdrian Memedov ko pres vakergja kaj ikljol taro PCER thaj dopherdo info kote pobuetr membria taro PCER džana ki partia taro Šaban Saliu – DSR.
Palo odova palem plo vakeriba sine e lidere Ibraimovski anavkergja kote kotor taro membria ko PCER si akana sar “napatriotia” , a ko jekh akcentiringja kaj na kergja nisavoi lafi e VMRO – DPMNE-a, mi,ma ačhol an i koalicia e SDSM-ea.
Ov erati oficialno zojrakergja kana ćhivgja sigantura an o Kontrakto baši koalicia e SDSM-ea . Numa na sine notirime kaj odoja koalicia kerel sebepi so isi šarti taro SDSM kote ka čhivel len nesavo nivelo majupre ki lista.
Evdiento si kote ko PCER isi problemia, nahaljovipa thaj hulavipa. Sar sa akava ka reflektirinel pe majodoriga. Si li o PCER hazri bašo “nevo timi” ko sig vakti ka džanel pe.
