O centari taro žurnalistikano rodaripa persi berš kergja jekh rodaripa an i konekcia detalia kobor čače si barvale o šerutne 4 politikane lideria an i Makedonia o Gruevski, Zaev, Ahmeti thaj Tači?
Te dikhlja pe prekal o liko barabutne e štar liderenge ko majbare partie si kaj i politika si olenge but šukare- si len nekobor kilogramia majbut sar so si ko majučo rango. Numa em majbarvale nego olengoro elektorati. I politika sine li čačuni kombinacia bašo Gruevski, Zaev, Ahmeti thaj Tači – i lidersko štar dženegiri forma so si olende sa ko vasta?
Milionia denaria odokhar o Gruevski astarel ko berš. Ako hipotetičko kalkulirinel pe kobor šaj te šparinel a te na hardžingja khanči o Gruevski akale 10 beršenge politika trubul sine te šparinel paše 150 mile eura. O lideri tari opozicia o Zaev plataja taro 1000 eura sar dizjakoro šerutno an i Strumica odole matematikaja šaj te šparinel paše 120.000 eura bašo 10 berša.
O deputatia o Ahmeti thaj o Tači sar lideria taro DUI thaj DPA prekal o parlamenti ko agorutne 10 berša astargje 130 mile eura. Sar nakhena sine o berša o Gruevski notirinel sine sa majbut love an i banka, numa nikana nedvižno imoti.
Ko momenti isi le havljarde ofto milionia thaj 300 mile denaria, 50.000 eura, 5.000 dolaria, 2.300 švajcarsko frankia thaj 800 funte jali barabutne 200 mile eura. Numa akale lovencar jali saste 36.500 eura na vakergja kotar leske odola love.
Ko anketno listo taro Zaev ikljol kaj ov si pharo 750 mile eira. Notiringja plo kher an i Strumica so renovirinel pe thaj si ko moldipa taro 300 mile eura. Si le stani taro 30.000 eura thaj placi 40 mile eura. Trujal akava o Zaev si le biznis apartmania taro 60.000 eura. Ko dokumentia si le thaj 200.000 eura akcie, jekh zajam thaj nekobor devizno depozitia.
Oficialno o Ahmeti havljargja imoti taro 140.000 eura thaj odova sar statino imoti 120.000 , mobilno taro 7.000 eura thaj bankarsko depozit taro 12.000 eura. Si le phuv ki Albania moldime 30.000 amerikansko doalria thaj kher ko Kičevo taro 100.000 dolaria.
Diferenciaja taro 2013 berš o Ahmeti si pohari barvalo upreder 300.000 eura. Ko majnevo anketno lisro o Ahemti nane le kher ko Skopje so si 800 m2 kaskoro moldipa si 150.000 eura thaj phuv ko Kičevo so si 153.000 eura.
O Menduh tači duj decenie si aktivno an i politika. Si le imoti taro 613 mile eura duj khera ko oleskoro anav jekh si bari, oibuter taro 100 m2. Jekh kher si sar testamenti a o javer kingja le. O tači si le vordon BMW taro 50.000 eura a i romni si la Pežo taro 7.000 eura. Ki banka si le 197.000 kote nane informacija kotar si o love. O familiarno imoto si ko jekh drom ko tetovo kote nane trotoaria. Trujal so si čoroli mahala odova si ko pašipa e centareske taro tetovo.
An i Makedonia dikhela pe kana sian ko učipa e politikake isi but forme sig te ove barvalo kote šaj lokheste te garavel pe sa odova. Sa agjaar ka ačhol sa dži kote na profunkcionirinel o sistemi.
