O Neždet Mustafa ikljola tari koalicia e legarutne partiaja, a o Samka Ibraimovski panda khelela tato-šudro e SDSM-ea.
I Partia OPER taro Neždet Mustafa vakerel kote trujal o partisko bahani vash kvalitativno lačharipa e kandidatenge bašo deputatia an o liste thaj dejba šajdipa e educirime thaj intelektualno kapacitetia te sikaven o interesia e romenge an i Makedonia, o VMRO-DPMNE angje decizia te keren majodorigutni konekcia e liderea taro SRM Amdi Bajram, thaj palem te ovel kandidati bašo deputati ko avutne anglovakteskere parlamentarno alusariba , thaj i partia angja decizia te čhinavel i dži akanutni koalicia e legarutne partiaja.
Ki eratutni informacia ko desave mediumia , kaj o Samka Ibraimovski taro PCER ikljola tari koalicia taro SDSM thaj rodela than an i koalicia e VMRO-DPMNE, o Ibraimovski dela demanti. Ov hramosargja: “Dikhava avdive mediumia havlajren sa desave informacie. I Partia PCER nane te kerel koalicia e VMRO-DPMNE sar so hramosarel o Sitel. Akava nane čačipa thaj mangav te informirinav kote amen siem panda an i koalicia e SDSM-ea. Akala divesa ki pres konferencia ka informirina svaoren baši amari koalicia.
Trujal desave avrer havljarina o romano politikano bloko so si o SRM, DSR, PIR, ROM, DPR ikeren pe ko kerdo kontrakto e koaliciaja taro VMRO-DPMNE
