Diferenciaja taro thema an o regioni so kerena progresi premal o EU i R.Makedonia akava da berš džal ko kontra drumi: olengere šartia tinjaren pe, e Makedoniake bajraren pe notirinen taro Instituti europakere politikake -Skopje.
Palem “ujrariba an o jekh than” . Agjaar o analitičaria komentirinena e europakere pozicie vash o progresi e makedoniake , so erati kotorvale pelo an i učharin sebepi i iram sama thaj fokusi ko alusaribaskere rezultatia an i Amerika.
„Nane progresi“ jali „Konstitirimo palalprogresi“ si o duj majbut kvalifikacie so si len an o Raporto tari EK vash o progresi an i makedonia. So legarel pe dži ko profiliripa e aktiviteteske ki Jurisdikciam Kriso, reforme an i themakiri administracia, nafunkcionalno institucie, palunipa ko maripa mujal i korupcoa, thojbe o love, kišle ekonomsko indikatoria.
Sebepi akava thaj aver indikacie, o anglomesaži vash start taro kontrakto an o avipa an i EU , sar persi berš palem si šartiali e progresea an i implementacia e Kontrakteske an o Pržino, anglal sa ikeriba kredibilno alusar, thaj majabro progresi an i implementacia ko Urgentno reformsko prioritetia (IRP).
O dizutne but hari jali saste nadžanena so si odova Urgentno reformsko prioritetia (IRP). Pobuter olendar prekal o anavkeriba gnidnena kaj si “odova importantno thaj urgentno implementacia” a e averenge o termini si sar forma tari desavi “birokrtasko fraza” a ko majbaro kotor olendar nane len nisave informacie thaj savi refleksia ka ovel upral olengoro sakodiveseskoro dživdipa thaj o agorutno efekti.
