O pobuter ankete sikavgje kaj ka našavel, numa o Donald Tramp sikavgja kaj šaj te legarel i viktoria. O biznismeni so angleder nikana na sine le phravdi jali aver politikani funkcia si alusardo sar 45 Presidento an o UAT. Ov legargja i viktoria sar so si Viskonsin, Pensilvania, Ohajo, North Karolina thaj i Florida kote so reslja majbut taro zaririutne 270 habgia taro Alusaribaskoro Koledži.
Iranibaja ko lafikeriba anglal ple simaptizeria an o Njujork, o Tramp vakergja kaj o Amerikacia trubul te keren jekhutno unipa.
„Akana si vakti i Amerika te phanel o rtavarina taro hulavipa. Amen sime savore barabutne. Dži ko sa o republikancia , demokratia thaj biathinale te vakerav kaj si vakti te ova savore sar jekh nacia. Vakti si. Dava sovli sa e dizutnenge an i amari them kote ka ovav presodento sa e Amerikanconge. Akava si but importantno amenge” vakergja o Tramp.
Ov vakergja kaj ko telefonsko komunikacia oleskere demokrtasko rivalea i Hilari Klinton thaj bahtakergja leske i viktoria. O Tramp vakergja kaj ov da bahtakergja lake i phari presidenteskiri kerdi kampanja.
