Anglal desavo periodo an i germaniakiri diz Dortmund ikergja pe o trinto Romano festivali “Dželem Dželem” . Akale beršeskiri programa taro akava festivali jekh taro organizatoria o Mirza Demirović vakergja:
„I poenta akale festivasleke si te kerel pe šajdipa jali stejdži kote ka šaj o Roma te vakeren piro lafi. Odova sikavela kaj amen e Romenge thaj o naRoma te vakeren, numa o korkoro Roma korkoro peske te keren naracia , pire problemenge, lačhe riga, pli kultura, pli historia, so si odova te ove Rom thaj sar te rese sukceso an o sasoitnipa” akcentiringja bašo mediumia o Demirovič.
Koncertia, performansia, filmia, proektia čhavenge, podiumsko diskusie sine kotor tari programa an o festivalo “Dželem, Dželem” . Asavko si o koncepto akale festivaleske thaj si jekh a jekh sar so sine o anglutne duj festivalia.
Ki programa ko jekh sine em bari hip-hop žurka kote e publikake sikavgje pe o romano bendi “Džipsi Mafia” taro Zrenjanin, thaj o grupe “Proekt Rakia” tari Holandia thaj DJ Click tari Francia.
