O Šerif Maliči (56) si biame an o tetovo , a 16 berša dživdinel ki mahala “Tri bagrema” an o Prilep. I lično karta ikavgja la angleder 5-6 berša numa sine leske sugeririme te anel svedoko so dživdinel an i aver adresa. I mahala “Tri bagrema” si nalegalno mahala ola vakergje leske te ikljol taro odova kher kote so si sar “dozutno” kote si oleskiri romni thaj o trin čhave, trujal so neko olendar na dživdinen ni ko Prilep.
„Tari Komuna , policia vakergje te ikavav lično krata an i adresa ko kher kote na bešava. Alo jekh manuš sar svedoko dengja signatura thaj dengje ma i lično karta! Ake i lično karta , trubul te trampinav ola soske si phagi, ama roden mandar imotno listo..Ikavgjum la angleder 5-6 berša. Odova si kher si phanlo, čučp kher nane niko odothe, a amen ki odoja adresa siem registririme, me mi romni, o lhave, so nane akate numa ola si ko Tetovo thaj sa o pandž džene legara amen odori” vakerela o Maliči.
Ov vakerel kaj o političaria ko “Tri bagrema” avena salde kana isi alusariba.
„Avena, thovena to šero šudre panjea” em džana peske. Vakerena te da amari vota olenge, kaj ka keren akava jali okova a palo odova khanči. Te dikha so šaj kerena amare čhavenge, nane love nane amen socialno, džana bokhale ki škola, isi man trin unukia” vakerel o Malič.
„Kana isi alusariba aven vordonencar te len e manušen, vakeren ka den amen jekh flaša zejtini, jekh gono varo” a amen palem siem čorole.
Aven taro sa o partie, SDSM, taro VMRO -DPMNE, legaren olen ko hangiba, den po hangi..akete isi 110 khera” vakerel o Maliči.
O than kote so bešel o Maliči si katastrofalno. O than kaj so bešela nane ni kher, numa than kote isi direkia, kartonia thaj tepiko. Koga del birišim sa panja si odothe. “Tavdel pani taro sa o riga” vakerela ov.
Majdaravutne si ko jevend, nane len kašta takjaribaske, a ko nilaj trujal olende nakhena sapa. O političaria dena len lafiako nakhle 10 berša, ama taro odola dende lafia na kergje khanči.
Link: http://civil.org.mk/2016/11/03/graaninot-malii-ima-litchna-karta-na-adrsa-od-napuschtna-kua/?lang=mk
