O Robert Bekirovski nekobor droma sine irame tari makedonikani simantra ki mangin te džal an i vizita pe familiake an i francia, soske sar so vakerela si diskriminirime odoleske soske si Rom. Vakeribaja tari oleskiri administrativno golgota ki mangin te džal an i vizita pe familiake.
Ov dopherel kaj hošinel pe sar dizutno taro dujto niče sar so tretirinen e Romen.
Barabutne 41 krisekre aktia si an o krisia an i Makedonia soske o preperutne taro romano minjoriteti si diskriminirime ko makedoinikane simantre , vakergja o ministeri andrune bukjenge Oliver Spasovski.
O presidento taro helsinško komiteto Uranija Pirovska dela motivo e Ropemn so sine diskriminirime te den akti anglal helsinško komiteto te šaj den len suporto. Akava nane jekhto drom so iuncirinel ki sistemsko diskriminacia.
Odoleske notirinen pe pobuter aktia evidentirime taro Helsinško komiteti manušikane hakoenge, vakerel i Pirovska.
Akava nane jekhto drom te čhinavel pe dizutne te nakhel i simantra a te ovel taro Romano nacionaliteti. Angleder duj berša i akterka Emra Kurtišova sine irami taro skopsko aeroportio thaj na mukhle la te dromarel ki pli phen an i Germania.
