Erati o Presidenti taro SDSM Zoran Zaev, membria ko učo legaripa taro SDSM, thasj membria thaj simpatizeria taro komunakiri filiala taro SDSM an o Šuto Orizari lele than ko promocionalno pharaviba e neve komunakere štabeske.
Ko plo lafikeriba anglal sa o memebria thaj simpatizeria taro Šuto orizari o Zaev vakergja – Baht si kana sa o dizutne si bahtale. Te sine love an i sako familia. te ikergjam e ternen te ačhon te dživdinen akate, thaj te keren akate plo avutnipa. Ka irana o love e dizutnenge. I them ka del suporto majanglale majčorolenge. Ka bajrara o socialno. Numa ka kera da neve bukajrne thana, majuče plate te šaj dživdinen sa o dizutne an i Makedonia.
O Zaev akhargja sa e dizutnen tari Šuto Orizari te notirinen kana neko ka mangel te daravkeren olen, jali te kinen olengiri vota, soske i globa si phanlipa. Ka kera protektiva e Romenge!. Ka kera protektiva ko sa p dozutne. Tromale te den tumari vota. Sa dži kote sium dživdo ka ovav piko uzal piko tumencar. Amen savore siem dizutnengiri opcia so kera maripa savorenge. Ka resa te viktoririna sa amenge thaj e Makedoniake, vakergja o Zaev an o Šuto Orizari.
