O profesori an o beogradsko Fakulteti vash politikane uke Dragan Simeunovič vakerel kaj sa o teroristia , kana i Rusia thaj i Amerika ka maren olen e “Islamsko thema” an i Siria thaj Irak ka aven an i Europa te ikaven plo garazi so ka ovel majabro riziko e Europake arakhibaske. Aso oleskere lafia sa okola fanatikia so nane te ačhon te garaven pe ko mulana, numa ka resen an i Francia, Britania thaj aver thema kote ka ikaven plo garazi.
Ko lafikeriba bašo kobor džene gejnenea akala grupe taro akestremiastia an o Balkani so gele ko maripa an i Siria thaj Irak ov vakerel kaj si paše 1.600 kote majbaro procento si taro Kosovo, ko dujto than BiH a palo odova avena i Makedoni,a Albania, Montenegro, dži kote i Srbia si ko agorutno than.
Numa ov dopherela kaj o riziko taro okla so iranena pe so sine odothe lungo vakti ko maripa si potencialno riziko. Vahabie nane salde ko Zagreb, Beograd kotar so gele beogradsko grupe ko maripa. Asavke isi thaj ko Zrenjanin, Subotica, Novi Sad thaj aver majtikne dizja. Maškar olende isi baro numero thaj Roma em Aškalie so avile taro Kosovo thaj si but seriozno muslimania vakerel o Simeunović.
