Majbut fantomia sis ko elektorati taro Albancia, a palo odova si o Roma. Ki jekhto akharin ko sasti kontrola taro sporno hangutne taro 40.000 salde paše 9.000 si registririme an i lista.
Ki lista sar sporno hangutne isi majbut Roma, thaj salde an i komuna Šuto Orizari si paše 1.700 sporno hangutne so trubul akana te registririnen pe dži ko 11 noemvri 2016 berš. Percepcia si kote an i teritoria tari sasti Republika Makedonia isi paše 7.000 Roma sar sporno hangutne E Themakiri alusaribaskiri komisia čhivgja ki kontrola e Alusaribaskiri lista bašo alusariba ko 11 dekemvri.
Dži ko 16 noemvri o dizutne šaj te proverinen si li ola an i alusaribaskiri lista , si li trampa ko than kote treben te džan te alusaren thaj aver. I kontrola si šajdipa okolenge 30.000 hangutne so si havljarde sar 2fantomia” thaj so šaj našaven plo hangibaskoro niami te iranen pe ki odoja lista.
I kontrola aso o dendo roko tari Komisia ka agorkerel ko 11 noembri. Palo deš dive , ko 21 noemvri , i TAK ka valjani te phandel i lista, a ko 1 dekemvri te čhivel piri signatura.
