Sare dena tumen godi taro NATO bombardiriba upral i Srbia thaj teganutno famozno peraviba e legendarno NATO bidikhibaskoro lovco F-117? Odova sine ko 1999 berš kana i teganutni armia tari SR Jugoslaviua tari 250-to raketno vodi khuvgje e F117 upreder o gav Budžanovci ko Srem.
O Fantomi taro NATO pelo, tah pelo o miti taro bidikhibaskoro lovci. O kotora taro odova aeroplani tegani na tretiringje pe sar kuč askereskoro astaripa so šaj sine buteder droma te pukjinel pe.
O phage kotora taro odova aeroplani khedingje le o gavutne sar suveniria, kote palo odova bikinen len sine em bašo 50 marke. Maškar olende buteder Roma odola kotora taro aeroplani bikinen len sine ko kurke. Jekh taro majzainteresirime sine thaj o Kinezia so lele pobuter kotora taro odova famozno F117 kote palo odova i Kina upral i baza taro odola kotora buvljargje i tehnologia thaj ko 2010 berš iklili informacia kaj o artikliripa taro nevo “stelt” tehonologia e aroplanenge , thaj olengoro majnevo modeli anavkerdo sar “J-20”
So istemalkergje o Kinezia taro sa akava? O informacie tari spoecialno boja taro odova F 117 m so kerel pijba e radarsko rentgenenge kote majbut taro odola rentgenia palo odova frdela le sine ko diferentno riga si majimportantno informacia kote so o kinesko inženeria lele tari Srbia taro odova aeroplani so sine peravdo ko gav Budžanovac.
