Aso o informacie taro Lolo Krisi an o Skopje si registririme 146 persone so si bizo khera ko droma, a angleder šov berša olengoro numero sine 40.
Ko agorutne duj berša maškar odoja kategoria manuša isi sa pobuter kaske prepelo o biznisi thaj baknotiringje.
Majbaro kotor taro odola manuša taro Skopje si murša ko baripa maškar 45 thaj 55 berša, si si hulavde tari romni jali si korkoro. O bikherutnipa an i makedonia majbut ovela sebepi bilačhe familiarno relacie, konfliktia, čorolipa, bizi buti, borčluko, hipoteke, terori, thaj po desavo drom thaj stili dživdipaske.
O punkti ko Momin Potok si jekhutno punkti baši akaja kategoria manuša an i Makedonia.
Phravdo si duj droma an o kurko kana del pe lenge hajbe , šeja thaj higiensko thaj sastipaskiri opservacia thaj artiklia. Okola bizo khera so si len sastipaskere problemia ola ačhon ko odova ofisi sa dži kote na sasljona. Trujal so del pe lenge šeja thaj hajbe em sastipaskiri protektiba, i resarin atro Lolo Kriso si i resocializacia olenge thaj iraniba Aso o informacie taro Unime Nacie an i lumia isi pobut taro 100 milionia manuša so si ko droma bizo khera, a upreder jekh milijarda manuša so dživdinen ko naadekvatno thana dživdipaske.
