I resarin e analizake si te sikavel pe i rolja e romane džuvljake thaj i forma an o akala filmia, palo odova artistikani funkcia odole roljenge thaj te sikavel o baripa an i popularizacia e etnikane grupake kote so ola preperena.
Kher vešibaske – Dom za vešanje (1988)
O džuvljane rolje an o filmi “Kher Vešibaske” šaj te kerel pe percepcia tari mitsko thaj realno konteksti. Ko filmi i Hatidža (Ljubica Adžović) si dživli centralno roljaja. I figura sar baba – mami so kerel protektiva an o džvdipa e Perhaneske lel i rolja sar daj so arakhel e Perhane ko nesave sekvence kote i majangluni si i naracia an o sasto filmi, jali aver čhane dikhlo e Perhaneskoro suno. Sasto dživdipa i Hatidža notirinel i gajlja upral o čhave kote so educirinelal len soske but tikne ačhile bizi daj. I rolja tari i phen Danira (Elvira Sali) i potikni phen taro Perhani si čhajori so si hendikepi e pirea, kote o Perhan legarel lakiri galja bute mangipaja. O korkoro hendikep si simboli kote odoja tikni čhaj lel pe lakoro avutnipa thaj perspektiva.
I rolja tari Azra (Sinolička Trpkova) si narativno struktura an o filmi, kote olakiri rolja majbut konektirinel sa o rolje an o filmi. I percepcia tari Azra ko akava filmi si kote džala tari melali mulan an o italiansko -romano geto, palo odova ujrala thaj kana bijanela oj merela, sikavel i forma e Romane džuvljake an o stranstvo.
Kali mačka, parno mačori – Crna mačka, beli mačor (1998)
Ko akava filmi so si dujto taro Emir Kustirica an i tema Roma.
I rolja tari Ida (Branka Katič) ko estetsko konteksti an o filmi olakoro fizikusi lel importantno than. Šaj dikhel pe kote odoja šužo parni romani čhaj si konotacia kaj si čordi e Romendar an i akaja romantično storia thaj kerel la panda majatraktivno dikhibaske. I Ida si parni Romani čhaj , rošale bala, lačhe jakha so si fabula an o sasto filmi.
So legarel pe dži ki rolja e bojrake i Bubamara (Salija Ibraimova) an o filmi oj si phen e šerutne negativcoske ko filmi o Dadan , so ki sako forma mangel te prandinel pe phenja te šaj te chidel pe latar majsig. Numa i Bubamara si romantično tipi thaj oj mangel Princo taro ple sune, ajli ko konteksti e filmeske oj si sar pepelaška – soske sa o naracie an o filmi keren parodia tari pepelaška (bilačhe thaj džubgale phenja so ko sako momenti keren lake bibahtalipa, a palo odova ko filmi oj našavel pli menia so arakhel olakoro heroi)
O filmia taro Kusturica kote o romane čhija thaj o babe resen mitsko ritualno statusi, narealno individue, so istemalkeren pe o stereotipia an i aver formacia , numa e Romenge na ko lačhi roš thaj majorginalno forma. Taro akava aspekto an i manipulacia e čačutni eksplotacia e romane akterkenge kote ko simiba asavke filmia lena but pohari love , šaj te ikavel pe konkluzia kote o Kusturica ko paralela hari kerde filmenge an i akaja tema ko akala thana angja majbaro piedestali sar filmsko agjaar thaj artikane an i tema filmia Roma soske o filmi “Kher humlavibaske” e lumiakoro publikumi startujngja te kerel kracia aver forma e Romane naciake, kulturake thaj tradiciake . Ko odova konteskt o Kusturica angja but e romane filmsko žanreske thaj odola filmia si len jek aver but humano thaj sasoitno aspekti e Romenge.
Link: http://bgedtculture.blogspot.mk/2015/10/analiza-zenskih-romskih-likova-u.html?view=classic
