Si li majlačheste kana šaj korkoro te pukjine te esapina, notirinel o Asen Dimitrov, Rom tari Bugaria so si jekh taro baro numero egzamplia vash sukcesiali integracia an i Germania.
Konsilo deiba e lokalno legaripaja an o Dusiburg. O socialno bukjarno Ivelina Ron dela konsilo e Asen Dimitrov vash hramosardi komunikacia e germansko legaripaja. Averske akava Rom tari Bugaria kerel sa korkoro. O Dimitorv kerel buti sar rakajkoro higieničari thaj si le aver oficialno buti.
Ko kvarti Hohfeld an o Duisburg isi pobut taro 6.000 Roma tari Bugaria. I Ivelina Ron šendžareč buteder olendar so aven an o lakoro ofiso. Maškar olende si thaj o Važdi Selimov. Akava manuš kerel buti sar kasapi thaj si le muzikakiri konekcia. Angleder šov berša avilo tari Bugaria an i Germania. Jekh periodo kergja buti an i klanica. Numa ov i germansko čhib na džanel but, pa mangel te sikljovel la panda butder. I konsiliarka vakerel but sukcesiale agzamplia sar so si i Lidia Bajram thaj i dukjana kote so kerel buti pe romea. I klientela si majbut Roma so roden artiklia so isi ko olengere phuvja. I Ivelina Rot del suporto e romane familenge an i komunikacia e germaniakere ofisencar. Oj si lošali ko asacke egzamplia taro rejtingo: O Roma korkoro pe bukjaja pukjinen o danok, o esapina apartmenege, elektrika, renta thaj keren zori an i integracia an i Germania.
