Pobuter NGO avdive kergje protesto anglal o Parlamento tari R.Makedonia, thaj rodingje taro deputatia thaj o Govermento te keren korekcie an o Budžetp e auvtne beršeske thaj ma te čhinaven o love bašo prevencia tari AODS. Te na kergje odova si riziko an i Makedonia te ovel epidemia taro HIV sar so si an i Srbia thaj Montenegro vakeren o NGO.
Ko than kote trubul 65 milionia denaria (1.1 milionia eura), te šaj lele pe terapia thaj artiklia baši preventiva tari AIDS kote e NGO trubul ko teren bukjake tari majmarginalizirimi populacia an i Makedonia, akana dena pe o ladžavutne 27 milionia denaria (paše 440.000 eura) notiringje ko akava protesto.
„Aso kerdi analiza so kergja o Ministeriumi bašo sastipa, a na amen, akale lovencar amen šaj te čhinava o meriba 290 meriba, jali 850 neve infekcie dži ko 2030 berš.
Akale restrikcijaja o deputatia thaj o Govermento direktno ka oven džovaplime e meribaske akale manušenge , soske akale šparibaja te džanen ka anen pobare harčija ko pašipa baši prevencia” havlajrgje o NGO ko protesti.
Te na dengje pe love te šaj ikeren pe o programe tari prevencia, ka phanen pe sa o terensko thaj stacionarsko servisia so funkcionirinen ko 14 dizja an i Makedonia. Majhari 15.000 ki akaja kategoria manuša thaj olengere familie ka ačhoven bizo okoga forma bilovengere prevencie thaj ekspres testia te dikhel pe si li len HIV. Ki odoja forma i infekcia ka buvljol majsigate, thaj odova ka reflektirinel pe ki sasti populacia, ekstra ki terni havljargje taro NGO Hera, Hops, Barabutne majzorale, Plus, Help thaj aver NGO so sine an o protesti.
I platforma bašo funkcioniriba e platformake taro servisia vash prevencia thaj suporto taro HIV ko 29 persi maske bičhavgje lil – apel dži ko sa o 123 deputatia te na čhinaven o budžeto ae aver beršeske, numa dži avdivbe nane len ni jekh antvorto olendar.
