E kriseskoro legaripa keren buti an o akti taro Amela Seferovič (60) kote kheden pe faktia sar reslja dži ko love so kerel len sine an i Italia thaj garavel sine ko kontia ko hrvatsko banke.
I Seferović pendžardi sta “Romani Thagarutni” si šubikerdi kaj lel nalegalno lovengiri transkacia tari Italia an i Hrvatska. Trujal olate an o šubikerina si panda aver 22 persone. Kerel pe lafi bašo paše 6 milionia eura.
Sa akava si arakhlo kana i Amela Seferovič jekh drom manglja te ikavel tari banka 200.000 eura numa našti sine te sikavel dokumento kotar si olake akala love. O sasto imoto sine blokirime thaj o milionsko konto tari olakiri paše familia.
E kriseskere ofisia pakjana kote odola love si kerde soske mangel sine devlenge thaj ko jekh bikinel sine sastrna ko puranipa. O nalegalno bikiniba metali an i Italia si došperavibaskoro akti thaj odoleske šubikerel pe sine kaj odola love oj transferirinela len sine an o hrvatsko banke thaj odolea na pukjinel sina danok. Numa an i hrvatska da o kanonia si te na pukjinegjan danok taro bikinimo purano metali si bašo kriso.
I Amela dživdinela an i relacia BiH-Hrvatska-Italia. Oj majbut dživdinel ko plo baravlo imoto an o Mostar, a ko jekh isi la vila an i Italia ki diz Astia.
Prandimi si formalno Italijancoa thaj o kriso pakjala kaj trujal barvalo imot isi la panda 400 luksuzno vordona.
O avgo krisikoro proceso ka ovel ko avutno kurko an o Torino, kote trebel te vakerel ko savo čhani reslja dži ko odovla love.
