Nekobor pohurder murša mangle te kidnapirinen pandž čhaven ko baripa taro 11 dži ko 14 berša ko drom baši ki škola.
I policia notirinela akala aktia thaj keren zori te astaren e manušen . O kidnaperia e čhaven arakhen len sine po droma duj droma ko pašipa e Policiakere stasioneske “Nord” thaj po drom “Svetilijsko” kote mangle te čhiven len ko vordon tipi “Audi” . Sa o čhave si tari romani mahala ” Purani mahala”.
Sa akava sine ko 12 o saati ko dive ko pašipa e školake “Svetozar Marković”.
Prekal o informacie taro jekh o čhave sine vakerdo: ” Jekh manuš taro odova voprdon alo uzal mande thaj ki romani čhib akhargja amn te avav majpaše. Me na penđarav le sine thaj na mangljum te avav, numa ov astargja man zorale taro vast thaj chidel man sine ander ko vordon. Me darandiljum thaj našljum ” Deš minutia palo odova štar oleskere amala ko drom tari odoja mahala arakhljalen odova vordon numa ola našle.
„O čhave našle. Alari kergjam dži ko školsko policajco, so iklilo, numa o vordon sigate našlja. Akana i škola kerel opservacia upral o čhave” vakerel jekh taro jeria e čhavengere.
Tari policia an o Leskovac vakerena kaj i sasti ćipota si notirime thaj akaleske džanel o Učo da Kriso thaj keren zori te faisalkeren i čipota thaj te arakhen e manušen, vakeren tari policia.
Ola vakerena kaj akava ko Leskovac si avgo drom ko agorutne duj berša.
Link: http://romaworld.rs/?p=2953
