O džene taro diz Skopje vakerena kote akale problemeske validno si o Ministeriumi baši socialča, roden taro Helsinško Komiteto.
Nakhle thaj saste masekia taro zorea disklokacia thaj peraviba e improvizirtime barakenge e Romenge telal o Kale i them panda nane la faisali e problemeske akomodacia bašo 212 dženo so ko momenti si telel phravdo than trujal i len Vardar , alarmirinen taro Helsinško Komiteto, manušikane hakoenge.
Ola vakerena kaj i tehm na lel nisave aktia te faisalkeren o rpoblemi a o Inspektora tari diz Skopje na mukhena palem akala Roma te keren mobilno khera.
„O Helsinško komiteto manušikane niamenge nekobor droma kergja vizita an o tereni taro akala personenge kote kerel pe lafi bašo 29 familie jali 121 persona maškar so isi 64 čhave, konektiribaja 10 bebia thaj 3 dovogjende romnja so dživdinen ko phravdo than. Sar rezultati odolestar sebepi o tato vakti si len infekcie thaj sastipaskere problemia.
Dopherdo ko problemia si thaj buteder olende nane len thaj dokumentacia baši identifikacia, thaj našti ovel olen sastipaskiri thaj socialno protektiva.
Sar so vakerena o institucie maškar peste frden o džovaplipa sar te arakhel pe agor akale problemeske: I diz Skopje i doš čhidel ko Ministerimu bašo sociala, o ministeriumi frdel i doš ko maškarkomunakoro centro baši sociala, thaj ola sar jekhutni solucia dikhel odole manušen te čhiven ko Čičino selo so si sar lageri bašo manuša so si bizo khera. Numa akava centro nane le kapaciteti te thanjarel e 29 familien thaj nane len šartia dživdipaske, notirinel pe ki vaktavin.
