An o 02 oktomvri ko 79 beršengoro phuripa an o Skopje mulo o Faik Abdi, jekhto presidento e Pariake baši Sasti Emancipacia e Romenge – PCERM thaj deputato an o jekhto khedipa an o Paralemnti e Republika Makedoniake.
O Faik Abdi si biame ko 02 marto 1937 berš Иan o Skopje. Agorkergja maškarutni edukacia, a palo odova kerel sine buti sar konsiliaro an o sektoro ekonomia thaj plano an i Kompania lilenge “Komuna” an o Skopje.
Sine delegato an o Skopjakoro parlamento thaj deputati ano Parlamento an i teganutni Socialistikani R.Makedonia taro 1969 dži ko 1974 berš thsj an o nevo parlamentari an i R.Makedonia ko duj mandatia taro 1990 dži ko 1998 berš. Pobuter berša sine presidento an o KUD “Phralipa” an o Skopje a ko jekh thaj Presidento an o PCERM.
O Abdi Faik lelja than thaj an o Jekhto Kongreso taro IRU an o London ko 1971 berš.
O Faik Abdi sine egzamplo taro manuš sar političari so kerel sine maripa vaš emancipacia e Romane populaciake.
Političari kas sine vizia thaj phravdo drumo vash šrogrso thaj integracia e Romane jekhinake sar an i Republika Makedonia agjaar thaj sakote an i lumia.
Odoleske neka ovel majodorig sar egzamplo e terne educirime riomane generaciake bašo maripa majlačhe avutnipa pire jekhinake bizi diferenca so kerena buti pire nacia ma te bistren.
O parunipa taro Faik Abdi ka ovel avdive an o limoria Butel ko Skopje.
Ko akava linko šaj te dikhen jekh taro oleskere agorutne dende intevjua bašo Roma Times :
