O neonacistia pobut taro štar masekoa patrolirinen ko trenia ki sasti Slovakia, te šaj ikeren e dizutnen te arakhen pe taro “kriminalcia”. Karana akaleske sar so vakerena sine o atako upral jekh terni slovakiakiri rakhli ko treno ko masek april akava berš. Akala dive baro hit ko socialno netvorko si o video klipo kote sikavel pe sar ko trenia funkcionirinela i korkoro organizirimi “nacionalno milicia” kote ki jekh sekevnca sikavena sar frden taro treno jekhe terne Rome so nane le bileto, a ki aver scena sikavena sar jekh terno del suporto jekhe dajake ko treno te čhiven čhavorikani bebeškiri kolica. Akanaske majšerutne na mangen e Romen , soske ko nakhlo periodi i Slovakia na lelja ni jekhe imigrante ki pendžardi emigrantsko kriza an i Europa.
“Amen kerja protektiva e dizutnenge tari Slovakia , thaj maraja amen mujal asocialno thaj primitivno Roma- Parazitia, havlajrel o Der Spiegel mesažo taro slovakiakere neonacistia so keren patrola ko trenia.
O Govermento an i Bratislava lungo vakti phanela sine ple jakha ko konektirime paralelno strukture, a akana havljarel “maripa” mujal savek korkoro promovirime “Nacionalno milica”. O ministerka vash Jurisdikcia i Lucia Žitnanska havljargja ko trinto di paket kanonia sar te peraven o ektremizmo thaj neonacizmo. I avgo konsekvenca si ma te mukhen o patrole ko trenia.
– Na siem impresionirime tari havljarin e Govermenteskiri. Taro anglo jevend planirinaja panda majbari kontrola an o trenia – havljargja jekh terno slovakiakoro neonacisti o Milan Uhrik.
Link: http://www.vecernji.hr/svijet/neonacisti-strogo-kontroliraju-vlakove-1107494
