Duj romane familie phreste ule garazi sebepi o mangipa. Akaja drama agorkergja agjaar so phanle si o R.M.(45), oleskiri romani i N.S.(28), thaj o amala S.J.(42) savore taro gav Sikirica ko pašipa taro Paraćin, Srbia. Ola mangipaja te iranen e našle čhija i E.J.(15) kidnapiringje e phrale taro olakoro kamlo – rom so si taro pašipa ko Aleksinac, čhivgje le ko gepeko thaj legarge le ko olengoro gav thaj phanlele ko kher. O R.M. holjame soske oleskiri čhaj i E.J. našlja lakere kamleste, thaj kergja akava kidnapiriba e phrale tari odoja familia sar trampa e čhijake. O kidnaperia sigeste sine astarde thaj dendo si lenge phanlipa 30 divesa.
Taro ofisi e policiakoro vakerena kaj akaja kamlipaskiri drama startujngja persi kurko. O R.M. so pendžardo thaj barvalo Rom taro Paračin maškar o Roma thaj pe čhijake arakhlja džamutro prekal oleskoro profili thaj pe čhajake. Numa oleskiri čhaj prekal o FB sine ko kamlipa javere terne romane čhavea thaj oj našlja ki leste ko aleksinačko gav Prčilovac.
Ov tegani gelo odori ko odova gav mangipaja te iranel ola. Kana e ternskiri familia vakergje leske kaj nadžanena kaj tani oleskiri čhaj ov holjabgja thaj angja decizia kaj ka kerel kidnapiriba nekaske sa dži kote na iranen leskere čhija.
– Ko benzisko stasioni ko centar tari Žitkovica kidnapiringje e phrale e terne čhaveske o kamlo tari lakiri čhaj thaj autoa Audi A4 austrisko tablencar čhivgje le ko gepeko thaj legargele ko kher taro oleskoro amal ko Paračin thaj odothe phanlel le. Vakergja e familiake kaj ka iranel e čhave sa dži kote na iranen ola oleskere čhija.
I aver familia odova sa notiringja dži ki policia kote pali kerdi akcia sine arakhle em o kidanperia em o kidnapirimo. I polica ko jekh arakhlja thaj e tikne čhaja. I čhaj sine irami an i olakiri familia khere, ako sa akava konektirime sine thaj o centari socialno bukjenge soske kerel pe lafi tikneberšengere personake.
I familia taro kidnapirimo na manglja te komentirinen akava incidenti.
