O precesi so startujngja panda ko mart 2015 berš tari rige RDICM kote o phure Roma apliciringje jekhe formake kompenzacia tari rig e Germaniakoro Penzisko Fondi , panda ane le plo agor. Sebepi so kotor taro purane Roma aplikantia sikavgje sar napativ an o akava proceso odoleske o Presidento taro RDICM o Zoran Dimov organiziringja jekh mitingo kotor phure manušencar tari komuna Šuto Orizari.
Ko odova mitingo o phure aplikatia resel informacie so sine dži akan olenge sar napendđarde an i procedura.
Ola tari riog taro Zoran Dimov, so pea lelja i sasti dokumentacia sikavgja kaj sa o aplikacie si procesuirime an i Germania thaj ola si khuvde an i procedura.
O Germancia stargje te keren buti majanglal e phure manušenge so si biame 1934 berš thaj phureder. O aplikacie so si kerde dži akana si tari R.Makedonia, R.Srbia thaj Bugaria, thaj savore si biyi decizia – odbime sar bizi funda tari rig e Germaniakere Govermenteske. Ola irame si sar so notirinen kaj ko odola thema na sine “klasično Romano geto” thaj o Roma na sine malteretirime tari Germaniakiri rig!
Numa ko kanonia thaj o zoralipa taro Zoran Dimov thaj e germaniakoro advokati tari Berlin, Germania so si sar membro e phurenge anglal o Krisia akana ka keren javer procesi sar – žalba dži ko dujtoniveleskoro Kriso – sudo an i Germania.
“O proceso baši evetualno deiba love taro Germaniakoro Penziakoro Fondi e phure manušenge si pharo thaj lungo, trubul te ova stabilno thaj zorale” vakergja o Dimov. Ola ki sako forma mangena te minimizirinen o kerdo terori upral o Roma numa amen olende na pakjaja. Ka kera sa jurisdikciakere-pravno aktia thaj institucionalno instrumentia te šaj len” Odova valjani amare parajeria thaj jeria te resen”
Odoleske trubul hari stabiliteti thaj ma te kerel pe panika. Sa o phure taro akala thema a si persone so si biame 1934 berš thaj phureder so sine majangle kerdo buti lenge ki procedura valjani te den dopherdeinfo si li panda dživdi thaj te ysine dživde jali nesavo phuro mulo ka informirina ko savo čhani sar ka kera ko majodorigutno proceso, dali ka trubul taro notari nevo dokumento sar testamento jali aver.
Sa odova sar informacia šaj bičhaven amenge an o amaro e mailo: [email protected]
