I Emina Krivić , si čahvo taro gastarbajteria taro Jajnje , BiH kote štar berša ple duj hotelencar mukhela te bešen o azilantia- migrantia. I jazia akle manušenge kote olengoro sakodivesa si kotor tari Emina. Po desavo drom te valjani e azilanten anel len thaj khere. I Emina sar 17 beršengiri udžargja e avgo migranten tari Bosna kana resle an o Keln. ” Pobuteder olendar sine sine mange familia so našle taro maripa . Tegani but bilačhe kerav sine i bosansko čhib numa dengjum suporto. Kerav sine translacia bašo dokumentia thaj aver” vakerel i Emina. O potikno hoteli si paše treneskoro stasioni an o Keln kote angleder trin berša aven sine turistia tari sasti lumia.
I Emina nane pišmani so o hoteli čhivgja le te šaj te bešen o migrantia. Ko olakere duj hotelia ko momenti isi 61 persona majbut taro Balkani. “Majbut si Roma tari Srbia, BiH, Kosovo thaj Albania. Ko duj hotelia ki Emina ko sa akava peridoi sine upreder 300 migrantia. I Emina sebepi olakoro humanitarno aktivitetia si pendžardi thaj ki diz. Odova si jekh taro karane so olakoro hoteli jekh drom ko kurko avel socialno bukjarno.
“O socialno bukjarno bašo tikno vakti našti te sžanel sa o problemia e manušengere. Ola na keren lafi germanski em odoleske dava suporto. O migrantia so sine akate desavo vakti ko akava hoteli thaj čhivgje len ko aver thana, but droma aven mange palem ki visita ki pli sar so vakerena ola “Mina”. Piaja kafa. Ko momenti kerva o trinto hoteli Te oven sine i situacia aver čhane odova ka ovel sine lačho hoteli turistenge tari sasti lumia.
Numa odova ka ovel sar haemi kote ka bešen o migrantia so aven sako dive ko Keln. Ko Keln ko masek juli sine 7.200 migrantia.
Link: http://www.dw.com/bs/eminini-hoteli-za-izbjeglice/a-18659959
