Ano aktia e ikerde Parlamentarno alusariba an i Hrvatska akava vikendi maškar o aver sar kandidatia bašo delegatia an o Hrvatsko Parlamento sine thaj romane kandidatia an o Parlamento sar membria e romane, austriakere, bugarsko, germansko, poslko, romansko, rusko, tursko, ukrainsko thaj jaudiengiri minjoritetengiri jekhin thaj olengoro reprezento.
Odoleske sine notirime ofto kandidatia. Olendar majbaro numero vote reslja o Veljko Kajtazi kote anglutne da sine le mandati an o Hrvatsko Parlamento. Taro barabutne iklile an o votiba taro 26% ov reslja 2010 vote jali 53,1% taro vote, anglal o Robert Bosak so relja duplo pohari taro 29,3% jali barabutne 1107 vote.
Ko trinto than sine i Nura Ismailovski so reslja 303 hangia jali 8%.
O Veljko Kajtazi pali i viktoria prekal plo FB profilo bičhavgja šukrikerin savorenge so iklile ki elekcia thaj dengje piri vota oleske.
Iv hranmosargja kaj si but lošalo so o Roma prependžargje oleskiri parola kaj o Roma si Unime , thaj nane bikinibaske.
O Kajtazi akcentiringja kaj o alusariba našti te viktorine melale kampanjaja sar so skergje nesave oleskere politikane oponentia.” Me sikavgjum kaj si ma čačune mangina taro sa mo vilo premal o elektorati thaj mujal aver oponentia” hramosargja ko plo FB profilo o Veljko Kajtazi.
